نفضت الناس عن وجهي وطاحو اقنعه وغبار.................

يصوغ الهمّ في جوفي قصايد حبْرها من نار
ورقْها من جروحي والقوافي حلميّ المنثور


بسبّتها لبست الليل ستره والنّجوم أزرار
وعفت الصّبْح من دونك ولو فيه الضيا والنور



وانا من حشمتك ساكن وقاضب داخلي إعصار
أذوق الويل من جرحي وقلبي بالوجع ممهور


أساير جرحيّ الخافي وظلمة وقتنا الغدار
وأشيل الحلم في كفي وأبذر للفرح ببذور



عسى باكر غروس الحب تنهي وحشة المشوار
تنسّيني جروح الوقت تجْبر خاطري المكسور


واشوف الجرح ياروحي على رف الزمن تذكار
وتاخذني صباحاتك على وجه الأمل مسرور



وانا لولا الأمل يزرع بساتيني شذى وازهار
تذوبني ليالي الضيم في كاس الردى والزور



نفضت الناس عن وجهي وطاحوا أقنعه وغبار
عرفت ان ابتسامات البشر مهما صفت ديكور



اغيّبهم عن ايامي ولو بأجسادهم حضّار
وأعيشك داخلي بسمه ولايبقى لغيرك دور



تعالي واسكني عيني وابرسل هاجسي أشعار
واصوغ الهم في ليلي وأردد ياصباح النور

[b]انا ما صدوم من هل منتدى يا روعه ومحتار

قصيدة حلوه موت وما لها الردود ولو بسطور

تحياتى لك القصيده روعه روعه روعه مشكوررررررره ياغاليه

شكرا على مرورك ............نورتي,,,,,,,,,,,او نورت مو عارفه الجنس.......