(( .. وجه السحابة .. ))

لو قريتي بس .. مافوق السطور ,,,,,,
كان عمــري مامضى كلّه كتابه
آهـ لو تدرين .. عن ذاك الشعور ,,,,,,
آهـ لو قلــبك على غفــله درابه
آهـ لو تضوين لــيل الحب نـــــور ,,,,,,
مثل شمس ٍ نوّرت وجــه السحابه
ماعرفت إن الحزن مثل السرور ,,,,,,
قبل أعرفك ضحكة الفجر وغيابه
قلبي اللّي نبض خفقاته غــــرور ,,,,,,
ماسأل قلبك .. ولو حلمـه جـوابه
قلبي اللّي يرسم لذكـراك ســــور ,,,,,,
مانسى لــيلة نساك .. إلآ عــتابه
لا تظـنين الوفــــا حيلـــة صـــبور ,,,,,,
الحبايــب صـدّقيني مـــا تشــــابه
للحقــيقه عـين .. مـا تبكـيك زور ,,,,,,
والغــلآ مايروي الغالي سـرابه
من يقــابل لهفــة الشوق بفــــتور ,,,,,,
لاتعجّــب لو هجـر زايرهـ بــــابه
والغــياب اللــّي تسمّـــينه حضـور ,,,,,,
مـا يلـيق بحضـرة الحب وجـنابه
لو تضيق بغلطـتك صحرا الصدور ,,,,,,
مانوى يشكي لك المجروح مابه
من كــتبّتك خفقـة ٍ بــين الســطور ,,,,,,
ماكتبت إلآ عــن البعـــد وعـذابه
----------------

يسلم يدك ربي من كل شر وادينى جديدك