كلمة من عندي وبيت شعر من عندك

القلب قلبك .. والمشاعر مشاعرك
اجرح وعذب يا حبيبي حلالك..
,
,

غالي ولوتخطي على القلب عاذرك
سو الذي يرضيك واللي في بالك !!
,
,

خابرني ميت في غرامك.. وخابرك
تموت في حب التملك .. وانا لك !!
,
,
>

ان كنت صاحي مع خيالك اسامرك
وان نمت في حلمي يجيني خيالك!!
,
,

يعني على كيفك وذوقك وخاطرك
اجيك انا كلي ... وكلي فدالك!!
,
,

اموت في غيضك وعقدة نواظرك
واموت في صدك واموت بوصالك
,
,

واموت في همسك ليا جيت احاورك
وفي دهشتك .. لاقلت ادور بدالك!!
,
,

واموت لاشع الضيا بأجمل صورك
واغيب معها .. وألتهي في جمالك!!
,
,

وتقول وش رايك؟ واقرب واشاورك
انت الله اعلم وش نهاية دلالك ..؟!
,
,

ياأني بموت وبندفن في محاجرك
او يمكن أحيا وانهبل في هبالك!!
,
,

وتضحك وتفرج بالسعاده سرايرك
وانا على ضحكة شفايفك.. هااالك!
,
,

ذوبتني مابين ملحك . . وسكرك
واهديتني قلبك..وروحك..وحالك!!
,
,

أقدر جهودك في حبي .. وأقدرك
وأسكنك بين الحنايا .. لحاالك!!
,
,

ومني جزيل الشكر والقلب يشكرك
على سموك يالغضي .. وإكتمالك!!
,
,

سبحان من كمل وصوفك وصورك
وخلا مجالي يندمج في مجالك !!
,
,

إن غبت عني قمت اهوجس وادورك
وأنشد عن ديارك .. واجي وآعنالك!!
,
,

وإن جيتني برضاك .. ماجيت مجبرك
يا مرحبا ... والقلب فز ودعالك !!
,
,

بس انت تكفى دامني صرت شاعرك
إن غاب زولك .. لا يغيييب إتصاالك

,

,

,


( الكلمة )

احبك

احبك كثر ما قد صار احبك رغم ما قد صار
احبك كثر ما دنيا الزعل والصـد مهجـوره

احبك كثر ما تمطر بصدري من غلاك امطـار
احبك كثر ما صارت اراضي العشق ممطـوره

احبك كثر ما تفتـح شبابيـك الربيـع ازهـار
احبك كثر ما غنّت عشان الصبـح عصفـوره

احبك كثر ما تاقف على جنب الطريق اشجـار
احبك كثر ما يقسى الشتـا وتهاجـر طيـوره

احبك كثر ما ف الأرض بنتٍ تلفـت الأنظـار
احبك كثر ما يرتاح عطـر بصـدر مغـروره

احبك كثر ما جاب المساء فـي معطفـه زوار
احبك كثر مـا جانـا صبـاحٍ يشبهـك نـوره

احبك كثر ما تهدي كفوف الوصل مـن تذكـار
احبك كثر ما شالت يديـن العاشـق زهـوره

احبك كثر ما نقرا عن الفارس عـن المغـوار
احبك كثر ما نسمـع ولا شفنـا ولا اسطـوره

احبك كثر ما تلعـب بدنيـا العاشقيـن اقـدار
احبك كثر ما .. ذا الحظ دايم يعلـن قصـوره

احبك كثر ما عاثـت ريـاح بحسبـة البحـار
احبك كثر ما البحـار يعشـق نسمـة بحـوره

احبك كثر ما يتلحف اللي منشغـل باعـذار
احبك كثر ما ف الناس نـاس بجـد معـذوره

احبك كثر مـا ملّـت قصايدنـا مـن التكـرار
احبك كثر ما الشاعر تمنـى حـب جمهـوره

احبك كثر ما شفنا على وجـه الزمـان اثـار
احبك كثر ما في الأرض فقر وناس ميسـوره

احبك كثر ما نجهل متى توقف بنـا الأعمـار
احبك كثر ما قلنـا عـن الأحـوال مستـوره

احبك كثر مـا دارت بذهـن الحالميـن افكـار
احبك كثر ما في الخير ناس ب خير مذكـوره

احبك كثر ما نرمـي حكايـات الحطـب للنـار
احبك كثر ما نسمـع حكايـا حـب مشهـوره

احبك كثر ما ضاق السجيـن بلعنـة الأسـوار
احبك كثر ما هـاج البحـر واجتاحتـه ثـوره

احبك كثر ما ننسى واحبك كثـر مـا نحتـار
احبك كثر ما يسهر محب وفـي يـده صـوره

احبك كثر ما تقطع شفاتك ف العسـل مشـوار
احبك كثر ما خدك يخلـي الشمـس مبهـوره

احبك كثر ما روّج عليك الحسن مـن اخبـار
احبك كثر ما صدرك يـدوخ الـورد بعطـوره

احبك كثر ما في عينك من السحـر والأغـوار
احبك كثر ما فيك الغـلا مـا وفّـت سطـوره

احبك والزمن ساكن واحبـك لـو زمانـي دار
احبك يا مدينة حب وسـط الصـدر معمـوره

احبك والتفت شاعر لعينك و انطـرت اشعـار
حلف ما يمسي الليله قبل مـا يكتـب شعـوره

ورتبتك بصدري وانت تستاهـل وراعـي دار
تفضّل قلّـب اوراق الغـلا وايديـك مشكـوره

ذكرتك وانت لو مثلك ذكرتـه هلّـت الانـوار
وقمت اجمع من اشواقي قصايد عشق منثـوره

تلبّست الجمال وقلت ابهديـك القصيـد ازرار
غلاك وصدق حبك ما ترك لي نفس مكسـوره

انا عاشق جمال وما خفاني ف الجمال اسـرار
انا لامن كتبت اعطيك واعطي العشق بك دوره

كتبتك ف القصيد ابيات من حسنك عليك تغـار
حروف العشق طفله في ثياب العيد مسـروره

لقيتك والدلع والثقل ( شِلّه ) والحسـن ثرثـار
يقول اشيا كثيره للعيـون ويثبـت حضـوره

كفايه لو تطل ويفـرح اب طلّتـك دار وجـار
كفايه لو تشوف الناس في نظرتـك مأسـوره

غرامك يغري حروفٍ سقاها الصدق منك امطار
كتاباتـي بتشهـد للغـرام وتحفـظ عصـوره

احبك رغم ما قد صار .. احبك حيل مهما صار
احبك دام انا طيّب .. واراضي العشق ممطوره


الكلمه.........ابتعد.........