قصيدة خالد: لحبيبته وهو على فراش الموت.... روووعه لاتفوتكم

السلام عليكم ورحمه الله وبركاته



حبيت أنقل لكم أحد المواضيع الشيقه ولكن قبل لا تقرونها لازم تعرفون قصه القصيدة...



واحد اسمه( خالد) أصابه المرض و قالوا له انك سوف تموت قريباً فكتب شعراً لأحد أصدقائه ليقول له فيها:: انه يحب حبيبته كثيراً ويريد من صديقه انه يجعلها تنساه. اقروا القصيدة والله تستأهل أنكم تقرونها .... وراح تعرف معنى الحب الصادق..





وصاتي لك من بعدي ........ تموت فيها علشاني



أبيها تعيش و تحيا بك ........ وأظل بالذاكرة مفقود



وصاتي لك تنسيها ........ ملامح وجهي و تنساني



وتعزفها قصيدة حب ........ على عكس اللي عزفته بعود



وصاتي لك تبعدها ........ عن أشعاري وقيفاني



تراها مغرمة بالحيل ........ ويشهد لي عدد الردود



وصاتي لك تسايرها ........ ترى فيها من احزاني



طلبتك لايضيق بالك ........ طلبتك والطلب مردود



وصاتي لك تناديها ........ حياتي..عمري..ازماني



انا عودتها دايم ........ ادلعها وانا موجود



وصاتي لك تعاملها ........ بطيبه قلب و احساني



تراها تذرف الدمعه ........ ودمعتها بليٌا حدود



وصاتي لك تحفظها ........ سور وآيات قرآني



وتخبرها عن الميت ........ رحل لايمكنه بيعود



وصاتي لك ترسمها ........ على قبري وأكفاني



ابيها لوحة تبقى ........ على طول الزمن محدود



وصاتي لك تمازحها ........ وتشوف الضحكة بأسناني



سعيتك ياضحك هالكون ........ طلبتك لاتصير جلمود



وصاتي لك تقهويها ........ من دلالي و فنجالي



تراها تعشق السمرا ........ ويكفيها دخون العود



وصاتي لك تركبها ........ على خيلي و على حصاني



وربي فارسة من قلب ........ شهادة ماهي لشهود



وصاتي لك تسفرها ........ بلاد الشام و لبناني



ترى يحلالها تقطف ورده ........ وردة من بلد الورود



وصاتي لك تراقصها ........ على الحان رحباني



ترى فيها عرق خالة ........ وفيها من جنون السود



وصاتي لك تحببها ........ فأبونورة بعد هاني



وتنسيها ندم غلطة ........ انا فيها ترى المقصود



وصاتي لك تكرهها ........ في تاريخي و عنواني



أبيها تلعن اللحظة ........ وتلعن كل فرح موعود



وصاتي لك تكلمها ........ عن المجني وعن الجاني



وتخليني انا الظالم ........ وانا من حرق الاخدود



وصاتي لك تشبهني ........ بدم أحمر قاني



وانا هالقاتل السفاح ........ مجرم من عصر نمرود



وصاتي لك تحلفها ........ تتوب تحبني ثاني



ترى يكفيها ماعانت ........ ويكفي حيلها مهدود



وصاتي لك تنسيها ........ وصية قالها لساني



أنا اخبرك رجل موقف ........ وانت قدها وقدود



صديقي مالقيت غيرك ........ يعرف وشلون تنساني



أمانه ضمها بقلبك ........ ترى خالد....رحل ما يعود




وبعد قراءة هذه القصيدة أتمنى منكم أن تعطوني رأيكم بقدر حب




خالد لحبيبته ....منقولهـ..

صح لسانك ولسان كاتبهاا .. قصيده قمخه بالروعه
والله يرحمها ويغفر لها ..
طير الغرام